من عين الصبر سقيت ايامي
عسى نداوي جروحي وسقامي
نطفي نيران الجمر لحارقاني
كلما نفيق فالصباح من منامي
نلقى احزاني ضاحكة قدامي
بايتة سهرانة تسناني
الله الله عليك الايام
واش هذا فيك مقامي ؟؟!!!
ما صدر مني ليك عيب
ما كنت فيوم ليك رامي
ما رميتك شي نهار بسهامي
ولا يوم كان دمي معاك حامي
علاش تعصريني وتكسري عظامي
تخلي قلبي مجروح دامي
ما ظنيتك تكوني سباب حطامي
وتكوني وحدة من ظلامي
الله الله عليك ايامي
زدتيني ظلام على ظلامي
وطفيتي فيا كل أحلامي
مالي حيلة ليك ايامي
غير نسقيك من عين الصبر
عسى داوى جروحي وسقامي
محمد الحاتمي